പ്രണയസംഗീതം

പ്രണയസംഗീതം

സതീഷ് മാടമ്പത്ത്









 


അതിർവരമ്പുകളില്ലാത്ത പ്രേമത്തി-
നരിയ കണ്ണാടിയാവണം മാനസം

അരികിലൊട്ടിയിരിക്കുമാറാകണം 
പറയുവാൻ എന്നുമേറെയുണ്ടാവണം

അറിയുവാൻ തമ്മിലൊന്നുമില്ലാതെയായ്

പിരിയുവാൻ കഴിയാത്തവരാവണം

 

മറകളില്ലാതെയാവണം, തങ്ങളിൽ 
കറ കളഞ്ഞ പ്രണയമുണ്ടാവണം

തളരുമാത്മാവിനുള്ളിൽ, പരസ്പരം

കുളിരുറങ്ങും ഹിമബിന്ദുവാകണം 

 

കനിവു പൂക്കും മനസ്സിന്റെ ജാലകം 
കനവിലേയ്ക്ക് തുറന്ന കണ്ണാവണം

കരകൾ കാണാത്ത നൗക പോൽ, പ്രേമമാം

കടലിലാടിയുലഞ്ഞു നടക്കണം 

 

കരതലങ്ങൾ ചേർത്തൊപ്പം ഗമിയ്ക്കണം

കരളുമാത്മാവുമൊന്നായിരിയ്ക്കണം

അരിയൊരാശ്ലേഷമാമനുഭൂതിയിൽ

അരുമയായ കിടാങ്ങൾ പിറക്കണം 

 

 
എങ്കിലും, അതിലുമേറെയായ് ....

അതിലുമേറെയായ്, ചുറ്റിലും കേഴുന്ന 
പതിത ചിത്തങ്ങൾ കാണുമാറാകണം

അരവയർ കഞ്ഞി കാണാൻ കൊതിച്ചവർ-

ക്കൊരു പൊതിച്ചോർ കരുതുമാറാകണം

 

വയൽ വരമ്പിലായ്‌ ജന്മം പുകച്ചോർക്കു 
വയർ നിറയ്ക്കാൻ കരുതലുണ്ടാവണം

അതിരു കാണാത്ത പാടത്ത്, പ്രേമമാം

പതിരകന്ന കതിർക്കുലകളാടണം

 

അതിരു കാക്കും ജവാന്മാർക്കു രക്ഷയായ്
കരളുരുക്കുന്ന പ്രാർത്ഥന കാക്കണം 

അതിർവരമ്പുകൾ താണ്ടി നാം, പ്രേമത്തി-

നരിയ കണ്ണാടിയാക്കണം മാനസം

 

കദനമെറേക്കുടിച്ചവർ ചൊല്ലുന്ന 

കഥകൾ കേൾക്കുവാൻ നേരമുണ്ടാവണം
കരയുവാൻ കണ്ണുനീർ പൊടിയാത്തവർ-

ക്കൊരു തലോടലിൻ സാന്ത്വനമാവണം 

 

 
വ്രണിത ഗാത്രത്തിലൊപ്പാൻ, പുരട്ടുവാൻ 

പ്രണയമാകുന്ന തൂമധുവൂറണം

തുണയുമാശ്രയവുമില്ലാത്തവർക്കു നാം 

കരുണ തൂവും സഹോദരരാവണം

 

മതമുയർത്തുന്ന വൻമതിൽക്കെട്ടുകൾ 

മതിയിൽ വിഭ്രമം ചാർത്താതിരിയ്ക്കണം 

കപട രാഷ്ട്രീയ, സന്മാർഗ്ഗ വാദികൾ 

ചപലരായ് നമ്മെ മാറ്റാതെ നോക്കണം 

 

നിണമൊഴുക്കാൻ തൊടുക്കും ശരത്തിന്റെ 

മുനയൊടിക്കുവാൻ ത്രാണിയുണ്ടാവണം 

രണമൊരുക്കാൻ മുഴക്കുന്ന കാഹളം 

പ്രണയ സംഗീതഭേരിയിൽ മുങ്ങണം 

 


എങ്കിലും, അതിലുമേറെയായ് ....

അല്ല, അതിനു പാകമായ്‌..

 

അതിനു പാകമായ്‌, സ്വന്തമാത്മാവിനെ, 
തനുവിനെ പ്രണയിക്കുവാനാകണം 

മനുജനുള്ളിൽ തുടിക്കുന്ന പ്രാണന്റെ -

യണുവിൽ, പ്രേമമാം ദൈവമുണ്ടാകണം 

 

പ്രേമമുണ്ടാവണം തന്റെ പ്രാണനെ

പ്രേമമാം വിശ്വചൈതന്യ സത്തിനെ

പ്രേമമേറ്റം പൊഴിക്കുന്ന കൺകളെ

മൂകരോദനം കേൾക്കും  ചെവികളെ

 

രോഗഗ്രസ്തരെത്താങ്ങുന്ന കൈകളെ

വേഗമെങ്ങും ചലിക്കുന്ന കാൽകളെ

രാഗബദ്ധം ശ്വസിക്കുന്ന മൂക്കിനെ

നാക്കിനെ, പ്രണയിക്കേണമെപ്പോഴും

 

സ്വന്തമുള്ളിൽ സ്പുരിക്കും പ്രകാശമീ

മണ്ണിലെങ്ങും നിറഞ്ഞു കത്തുമ്പോൾ, ഈ

മണ്ണിനെ പ്രണയിക്കുന്ന മാനവൻ

തന്നെ മാത്രം മറക്കുന്നതെങ്ങനെ?

 

നിലയുറയ്ക്കാത്ത മാനസം പൂണ്ടവർ

അബല മാനസം കാണുന്നതെങ്ങനെ?

അവനവനെ പ്രണയിക്കാത്ത മർത്യനീ

അവനിയെ പ്രണയിക്കുന്നതെങ്ങനെ?

 

************


YouTube Link:

https://www.youtube.com/watch?v=YZ9TK83RMiE




Comments

Post a Comment

Popular posts from this blog

We can remember all 72 Melakarta Raga swarasthanams... !!!

Image
Background: The basic notes summarised using keyboard/piano keys: Preparing the basic reference chart  I'm trying to explain a condesed scheme for remembering swarasthanams of all 72 melakarta ragams. (As you all know, the Melakarta Scheme is not my invention :-) . However, I just came up with some thing which helped me summarize and remember the already-well-organized Melakarta Scheme. I'm not sure if the same already exists.However, I'll be happy if this benefits a few.) 1)  In the scheme we're going to discuss, all you got to remember is:                                     the  pattern   11, 12, 13, 22, 23, 33   (It's not eleven, twelve, read as "one one", "one two", "one three" etc. and we'll see why in steps to follow)    2)  Write this pattern in two vertical columns as below (Label Column headings as R G and D N): See below: R  G D  N 1  1 1  1 1  2 1  2 1  3 1  3 2  2 2
Read more

കുമ്മാട്ടി

Image
കുമ്മം കുമ്മം കുമ്മാട്ട്യേ.. ആരാരിന്റെ കുമ്മാട്ട്യേ.. തത്ര മുത്തീന്റെ കുമ്മാട്ട്യേ.. മണ്ണാറക്കാട്ട് ഇടിച്ചക്ക വെച്ച് ചെമ്പു പൊളിഞ്ഞളിയോ ഉമ്മത്തിൻകള്ളും കോഴിക്കുറവും ഞമ്മക്ക് വേണ്ടളിയോ പൂയ് പൂയ് പൂയ് .... മുറ്റത്ത് കുറച്ചു കുട്ടികൾ കരിവേഷം കെട്ടി വടിയും കുത്തി വട്ടമിട്ടു കളിക്കുന്നു. ഓടിച്ചെന്നപ്പോഴേക്കും കളി കഴിഞ്ഞിരിക്കുന്നു. "ഒന്നൂടി കളിയ്ക്കട്ടെ?" കരിവേഷങ്ങൾക്കിടയിൽ നിന്ന് സോമന്റെ ശബ്ദം തിരിച്ചറിഞ്ഞു. ഒരേ ക്ലാസ്സിൽ ഒരേ ബെഞ്ചിൽ കൂടെ ഇരുന്നു പടിക്കുന്നവൻ... എന്റെ മുഖം തെളിഞ്ഞതു കണ്ടു പ്രസാദിച്ച അവർ ഒന്നു കൂടി കേമമായി കളിച്ചു. "കുമ്മം കുമ്മം കുമ്മാട്ട്യേ.. ആരാരിന്റെ കുമ്മാട്ട്യേ.. : : " അപ്പോഴേക്കും മുത്തി ധൃതി പിടിച്ചു ഉള്ളിൽ നിന്നു കുമ്പിട്ടു കുമ്പിട്ടു വരുന്നു. "ങ്ങ ങാ.. അവരെ പിന്നീ൦ കളിപ്പിച്ചൂ ല്ലേ?" പറഞ്ഞത് പരിഭവം പോലെ ആണെങ്കിലും എന്റെ മുഖപ്രസാദം കണ്ട സന്തോഷം പ്രകടമായിരുന്നു. കയ്യിലെ ചില്ലറ സോമന് കൊടുത്തിട്ടു പറഞ്ഞു. "എല്ലാരും ഒപ്പം എടുക്കൂ ട്ടോ" എന്നിട്ട് എന്നോട് - &q
Read more

മുത്തി പറഞ്ഞ കഥ - ഉണ്ണിയും കാട്ടാളത്തിയും ...

Image
പണ്ട് പണ്ട്... ഉണ്ണിയും അച്ഛനും കൂടി അടിയന്തിരം ഉണ്ണാൻ പോയി. ഊണ് കഴിഞ്ഞു വരുമ്പോൾ അവിടന്ന് അച്ഛന് ഒരു അപ്പവും ഉണ്ണിക്ക് ഒരു അടയും കിട്ടി. വീടെത്തിയപ്പോൾ ഉണ്ണി ചോദിച്ചു "അച്ഛാ അച്ഛാ, ആ അപ്പം എനിക്ക് തരൂ.. എന്റെ അട എടുത്തോളൂ" അച്ഛൻ ഉണ്ണിക്കു അപ്പം കൊടുത്ത് ഉണ്ണീടെ അട വാങ്ങി തിന്നു. ഉണ്ണി ആ അപ്പം തിന്നില്ല. ആരും കാണാതെ കൊണ്ട് പോയി വീടിന്റെ വടക്കുഭാഗത്ത് കുഴിച്ചിട്ടു. അടുത്ത ദിവസം പോയി നോക്കിയപ്പോൾ അവിടെ ഒരു വ്യത്യാസവും കണ്ടില്ല. ദേഷ്യം വന്ന ഉണ്ണി പറഞ്ഞു "നാളേക്ക് ഇത് മുളച്ചില്ലെങ്കി അച്ഛന്റെ കൊങ്ങണം കത്തി കൊണ്ട് ഒന്ന് രണ്ടൊന്നു രണ്ട്". പിറ്റേ ദിവസം പോയി നോക്കുമ്പോൾ അപ്പച്ചെടിക്ക് മുള പൊട്ടിയിരിക്കുന്നു. ഉണ്ണി പറഞ്ഞു "നാളേയ്ക്കിത് ചെടി ആയില്ലെങ്കി അച്ഛന്റെ കൊങ്ങണം കത്തി കൊണ്ട് ഒന്ന് രണ്ടൊന്നു രണ്ട്" പിറ്റേ ദിവസം പോയി നോക്കുമ്പോ അതൊരു ചെടി ആയി നിൽക്കുന്നു. ഉണ്ണി പറഞ്ഞു "നാളേയ്ക്കിത് മരം ആയില്ലെങ്കി അച്ഛന്റെ കൊങ്ങണം കത്തി കൊണ്ട് ഒന്ന് രണ്ടൊന്നു രണ്ട്" അടുത്ത ദിവസം നോക്കുമ്പോ അതൊരു മരമായി നിൽക്കുന്നു.
Read more